Online Study in JAPAN FAIR 2021 Myanmar

Supporters/H.E. Mr. Ichiro Maruyama,Ambassador Extraordinary and Plenipotentiary of Japan to the Republic of the Union of Myanmar

ဂျပန်ပညာရေးပွဲတော်ကိုကြွရောက်လာကြတဲ့ကျောင်းသား၊ကျောင်းသူများအားလုံးမင်္ဂလာပါခင်ဗျာ။ အခုကျင်းပမယ့်ဂျပန်ပညာရေးပွဲတော်ကCovid-19ကြောင့်အရင်ပုံစံအတိုင်း မကျင်းပနိုင်ပေမဲ့အွန်လိုင်းနဲ့ကျင်းပနိုင်တဲ့အတွက်အွန်လိုင်းကနေတစ်ဆင့်ဒီလိုကျောင်းသား၊ကျောင်းသူများနဲ့ နှုတ်ခွန်းဆက်စကားပြောခွင့်ရတဲ့အတွက်အထူးကျေးဇူးတင်ပါတယ်ခင်ဗျာ။ မြန်မာနိုင်ငံကကျောင်းသား၊ကျောင်းသူများဂျပန်နိုင်ငံကိုပညာတော်သင်အနေနဲ့သွားနိုင်အောင်ကျွန်တော်တို့ ဂျပန်အစိုးရအနေနဲ့ရောဂျပန်သံရုံးအနေနဲ့ရောအတတ်နိုင်ဆုံးအစွမ်းကုန်အကူအညီပေးဖို့အသင့်ရှိပါတယ်။ ကျွန်တော်ကိုယ်တိုင်လွန်ခဲ့တဲ့နှစ်၄၀လောက်ကမြန်မာနိုင်ငံကိုရောက်ပြီး၊မြန်မာနိုင်ငံရန်ကုန်မှာရှိတဲ့ နိုင်ငံခြားဘာသာတက္ကသိုလ်မှာပညာတော်သင်အနေနဲ့ ၂နှစ်မြန်မာစာသင်ခဲ့ပါတယ်ခင်ဗျာ။ အဲဒီအတွေ့အကြုံအရမြန်မာလူငယ်များဂျပန်နိုင်ငံကိုပညာတော်သင်အနေနဲ့သွားမယ်ဆိုရင် အခက်အခဲများရှိတော့ရှိပေမဲ့နှစ်နိုင်ငံဆက်ဆံမှုအတွက်သာမကမြန်မာနိုင်ငံရဲ့တိုင်းပြည်အနာဂတ်ဖွံ့ဖြိုးတိုးတက်ဖို့အတွက် အင်မတန်မှကြီးမားတဲ့တာ၀န်ကိုထမ်းဆောင်နေတဲ့ပုဂ္ဂိုလ်များဖြစ်ပါတယ်ခင်ဗျာ။ ဒါကြောင့်ကျွန်တော်တို့ဒီနှစ်ကျင်းပမယ့်ဂျပန်ပညာရေးပွဲတော်ကနေတစ်ဆင့်မြန်မာနိုင်ငံကနေဂျပန်နိုင်ငံကို ပညာတော်သင်အနေနဲ့သွားပြီးအကုန်လုံးအောင်မြင်ပါစေလို့ဆုတောင်းပြီးနှုတ်ခွန်းဆက်ချင်ပါတယ်ခင်ဗျာ။ ကျေးဇူးတင်ပါတယ်ခင်ဗျာ။

Host/ Hirofumi Makino, M.D., Ph.D.,President,Okayama University

အိုကာယာမတက္ကသိုလ်သည် ၂၀၁၄ခုနှစ်မှစ၍ ဂျပန်နိုင်ငံပညာရေး၊ယဥ်ကျေးမှု၊အားကစား၊သိပ္ပံနှင့် နည်းပညာဝန်ကြီးဌာန၏ “Coordinator for Study in Japan (Myanmar)”ပရောဂျက်ကို တာ၀န်ယူဆောင်ရွက်ပြီး၊ ၂၀၁၈ခုနှစ်တွင် Study in Japan Global Network Project (ASEAN) အဖြစ် အမည်ပြောင်းကာ မြန်မာနိုင်ငံမှ အာဆီယံဒေသတစ်ခွင်ကို အဓိကထားတိုးချဲ့ခဲ့ပြီးနောက် ၂၀၁၉ခုနှစ်တွင် Study in Japan Global Network Project (ASEAN) ကို ထပ်မံတာ၀န်ယူဆောင်ရွက်လျက်ရှိပါသည်။ ထို့အပြင် ရန်ကုန်တွင် Study in Japan Coordinatorကိုထားရှိကာ မြန်မာနိုင်ငံမှဂျပန်နိုင်ငံသို့ ပညာသင်သွားရောက်မှုများကိုမြှင့်တင်ရန်နှင့် မြန်မာနိုင်ငံ၏လူ့စွမ်းအားအရင်းအမြစ်ဖွံ့ဖြိုး တိုးတက်မှု အထောက်အကူဖြစ်စေရန်ရည်မှန်းချက်ထားကာ　လုပ်ဆောင်လျက်ရှိပါသည်။ နှစ်စဥ်နှစ်တိုင်း ဂျပန်ပညာရေးပွဲတော်ကို မြန်မာနိုင်ငံ၌ကျင်းပခဲ့သော်လည်း၊ ယခုနှစ်တွင် အွန်လိုင်းဖြင့် ကျင်းပပါမည်။ ယခုပညာရေးပွဲတော်တွင် ပါဝင်သည့်အဖွဲ့အစည်းများ၏ သတင်းအချက်အလက်များသာမက၊ ပညာသင်ဆုများနှင့် ဂျပန်ပညာသင်အတွေ့အကြုံ၊ ဂျပန်တွင်ပညာသင်ယူပြီးနောက် လုပ်ငန်းခွင်ဝင်ခြင်းစသည်တို့နှင့်ပတ်သက်၍သိရှိနိုင်မည့်ဗီဒီယိုများ၊ စာရွက်စာတမ်းများလည်း အများအပြားပြင်ဆင်ထားပါသည်။ ထို့အပြင် ယခုပညာရေးပွဲတော်တွင်ပါဝင်ကြသည့် အဖွဲ့အစည်းအသီးသီး၏ အွန်လိုင်းဆွေးနွေးပွဲများတွင်လည်း ပါဝင်နိုင်ပါသည်။ ပါဝင်ကြသူများအားလုံး ဂျပန်အကြောင်းကိုပိုမိုသိရှိပြီး၊ ဂျပန်ပညာသင်သွားခြင်းနှင့်ပတ်သက်၍ပို မိုအကျွမ်းတဝင်ဖြစ်မည် ဆိုလျှင် ဝမ်းမြောက်မိပါသည်။ ယခုအွန်လိုင်းဂျပန်ပညာရေးပွဲတော်ကျင်းပနိုင်ရေးအတွက် နှစ်နိုင်ငံလုံးမှ ပူးပေါင်းပါဝင်ဆောင်ရွက်ပေးကြသူများအားလုံးကို ကျေးဇူးတင်ရှိပါကြောင်းနှင့် နောင်အနာဂတ်တွင်လည်း ဂျပန်-မြန်မာနှစ်နိုင်ငံချစ်ကြည်ရေးပိုမိုဖွံ့ဖြိုးတိုးတက်ပါစေကြောင်း ဆုမွန်ကောင်းတောင်းအပ်ပါသည်။

Co-Hosts/ Dr.Myo Khin, President,MAJA(Myanmar Association of Japan Alumni)

Study in Japan Fair 2021 အတွက် ပါမောက္ခ ဒေါက်တာမျိုးခင်ထံမှ နှုတ်ခွန်းဆက်စာ Study in Japan Fair ကို ၂၀၁၅ ခုနှစ်မှစ၍ မြန်မာနိုင်ငံတွင် စတင် ကျင်းပခဲ့ပြီး ပြီးခဲ့သည့် နှစ်များတစ်လျှောက် ပါ၀င်တက်ရောက်လာသူများနှင့် ကျောင်းသားများ အရေအတွက်မှာ များပြား လာသည်ကို ကြည့်ခြင်းအားဖြင့် လူသိများပြီး ထင်ရှားသည့် ပွဲတစ်ခုဖြစ်ခဲ့ပါသည်။ နှစ်စဥ်နှစ်တိုင်း OKAYAMA University မှ စီစဥ်ဆောင်ရွက်ပြီး မြန်မာနိုင်ငံ ဂျပန်ပြန်ပညာသင်ဟောင်း အသင်း (MAJA) မှ ပူးပေါင်းဆောင်ရွက်သည့် Study in Japan Fair တွင် ဂျပန်နိုင်ငံမှ တက္ကသိုလ် ၆ခုမှလည်း ပါဝင်ဆောင်ရွက်ခဲ့ကြသည်။ MAJA သည် ဂျပန်နိုင်ငံ နှင် မြန်မာနိုင်ငံကြား ဂျပန်ပညာတော်သင် အစီအစဥ်များ၊ ဂျပန်ဘာသာ သင်ကြားရေးနှင့် ဂျပန်ဘာသာ အရည်အချင်း စစ်ဆေးခြင်း၊ ဂျပန်ယဥ်ကျေးမှု လှုပ်ရှားမှုများနှင့် ကျောင်းသားများ ပညာရေးနှီးနှောဖလှယ်သည့် အစီအစဥ်များတွင် အဓိက ပူးပေါင်း ပါ၀င်ဆောင်ရွက်ခဲ့သည့် အဖွဲ့အစည်းတစ်ခု ဖြစ်ပါသည်။ Study in Japan Fair သည် ဂျပန်နိုင်ငံတွင် ပညာသင်ယူလိုသော မြန်မာနိုင်ငံမှ ကျောင်းသားများအတွက် အထောက်အကူဖြစ်စေပါသည်။ ကျောင်းသားများအနေဖြင့်လည်း ဂျပန်နိုင်ငံတွင် ပညာသင်ကြားရန် အစီအစဥ်များနှင့် ပတ်သက်သော အချက်အလက်များရရှိနိုင်ပြီး သင့်တော်သည့် ကျောင်းများ၊ ကောလိပ်များ နှင့် တက္ကသိုလ်များ ရွေးချယ်ရန် အကူအညီ အများကြီးရရှိစေပါသည်။ ထို့အပြင် ဂျပန်ကုမ္ပဏီများ၏ အလုပ်အကိုင်အခွင့် အလမ်းများကိုလည်း ပိုမိုသိရှိနားလည်နိုင်ပါသည်။ ကောင်းမွန်သော ပညာသင်နှစ်ရအောင် ကြိုးစား အားထုတ်နေသော မြန်မာကျောင်းသားများကို ယခုကဲ့သို့ ဂျပန်နိုင်ငံ၏ အဆင့်မြင့်ပညာရေး နှင့် သုတေသန တို့နှင့်ပတ်သက်သော တိကျ သေချာသည့် အချက်အလက်များ ရရှိမည့် Study in Japan Virtual Fair ကို တက်ရောက်ဖို့ အားပေးတိုက်တွန်းချင်ပါသည်။ သင့် ကံကြမ္မာဆိုတာ အခွင့်အလမ်းမဟုတ်ပါ။ သင့်ရွေးချယ်မှု အရေးကြီးသည် ဆိုသော စကားအတိုင်း Study in Japan Virtual Fair သို့ တတ်ရောက်ပြီး ပညာရေးမှာသာလွန်သည့် အကောင်းဆုံးနေရာကို ရွေးချယ်လိုက်ပါ။

Co-Hosts/ Prof.Dr.Kunio Kimura,SUN/SixERS(The Consortium of Six National Universities in Japan)

The Consortium of Six National Universities in Japan သည် ယခင်ဆေးတက္ကသိုလ်များ အရင်းခံဖြစ်ပြီး ဂျပန်နိုင်ငံဒေသအသီးသီးတွင် အချက်အချာတက္ကသိုလ်များဖြစ်သည့် ချိဘတက္ကသိုလ်၊ နိအိဂ တတက္ကသိုလ်၊ ကာနဇဝတက္ကသိုလ်၊ အိုကာယာမတက္ကသိုလ်၊ နာဂါဆာကီတက္ကသိုလ်နှင့် ကူမာမိုတိုတက္ကသိုလ် ဟူသော နိုင်ငံပိုင်တက္ကသိုလ်၆ခုက ကိုယ်ပိုင်အုပ်ချုပ်ရေး နှင့်လွတ်လပ်ရေးကို အလေးထားလျက် အပြန်အလှန် ပူးပေါင်းဆောင်ရွက်နေသည့် တက္ကသိုလ်အဖွဲ့အစည်းအသစ်အနေဖြင့် ၂၀၁၃ခုနှစ်　တွင် ပေါ်ပေါက်ခဲ့ပါသည်။ နှစ်စဉ်ကျင်းပလျက်ရှိသည့် ဂျပန်ပညာရေးပွဲတော်ကို ယခုနှစ်တွင်လည်း ပူးတွဲကျင်းပသူအနေဖြင့် ပါဝင်ရသည့်အတွက် ဂုဏ်ယူမိပါသည်။ SixERSအနေဖြင့် အတူတူပူးတွဲဆောင်ရွက်ရင်းဖြင့် SixERS၏ တက္ကသိုလ်အသီးသီးကလည်း ပွဲတော်တွင်ပါဝင်ကာ ပြည့်စုံသည့်အကြောင်းအရာများဖြင့် အကောင်အထည် ဖော်နိုင်ခဲ့ပါသည်။ တဖန်၊ Covid-19ရောဂါကျရောက်မှုအောက်တွင်ရှိနေသော်လည်း၊ တက္ကသိုလ်အသီးသီးတွင် အစီအမံ အမျိုးမျိုးကို　လုပ်ဆောင်ကာ ကျောင်းသားများ၏ သင်ယူလေ့လာမှုအခွင့်အလမ်းကို မထိခိုက်စေဘဲ ပညာသင် ယူခြင်းနှင့်သုတေသနကို ဆက်လက်　လုပ်ဆောင်စေလျက်ရှိပါသည်။ ထို့အပြင်၊ လက်ရှိ ပညာသင်ယူနေဆဲ နိုင်ငံခြားသားပညာသင်ကျောင်းသားများနှင့် နောင်လာမည့် နိုင်ငံခြားသား ပညာသင်ကျောင်းသားများအတွက်လည်း တတ်စွမ်းသမျှပံ့ပိုးမှုကို လုပ်ဆောင်ကာ ကျောင်းသား၊ သင်ကြားရေးဝန်ထမ်းများ အတူတကွ ကြိုးစား ဆောင်ရွက် လျက်ရှိပါသည်။ ယခုပညာရေးပွဲတော်ကို ကိုရိုနာရောဂါဖြစ်ပွားနေစဉ်အတွင်းတွင် ကျင်းပရမည်ဖြစ်သော်လည်း မြန်မာ နိုင်ငံသားအားလုံး၏ အနာဂတ်အိပ်မက်ကို အကောင်အထည်ဖော်နိုင်မည့် ပထမဆုံးခြေလှမ်းဖြစ်သော အကျိုး ရှိသည့်အချိန်အဖြစ် ဖြတ်သန်းနိုင်ကြမည်ဆိုလျှင် ဝမ်းမြောက်မိပါသည်။

Cooperators/Mr.Taimei Watanabe,Chief Representative for Myanmar, Mitsubishi Corporation,Joint Representative, Myanmar-Japan Platform for Human Resource Development

ယခုနှစ်အတွင်းအမျိုးမျိုးသောအကြောင်းအရာ(ကိစ္စရပ်)များသည်ကိုရိုနာဗိုင်းရပ်စ်ဖြစ်ပေါ်၍ရပ်ဆိုင်းမှုများရှိသော်လည်းယခုလိုနိုင်ငံခြားပညာတော်သင်အခမ်းအနားအားOnlineမှတဆင့်ကျင်းပနိုင်ခြင်းအားဝမ်းမြောက်ဂုဏ်ယူမိပါသည်။အခမ်းအနားဖြစ်မြောက်ရေးအတွက်ကူညီဆောင်ရွက်ပေးကြသူအားလုံးကိုလည်းအထူးကျေးဇူးတင်ကြောင်းပြောကြားလိုပါသည်။ယခုနိုင်ငံခြားပညာတော်သင်အခမ်းအနားသည်ကျောင်းသူကျောင်းသားများအတွက်တန်ဖိုးရှိသောအခွင့်အရေးများပေါ်ပေါက်စေရန်ရည်ရွယ်ပါသည်။ ကျွန်တော်တို့(MitsubishiCorporation)ရန်ကုန်ရုံး၌လည်းဂျပန်နိုင်ငံရှိတက္ကသိုလ်များမှအောင်မြင်ခဲ့သောမြန်မာလူငယ်များသည်ကုမ္ပဏီရဲ့အောင်မြင်တိုးတတ်များမှုအတွက်အရေးပါသောအခန်းကဏ္ဍများမှပါဝင်ဆောင်ရွက်နေလျှက်ရှိပါသည်။ကျွန်တော်တို့လိုဂျပန်ကုမ္ပဏီများအတွက်ဂျပန်၊မြန်မာနှစ်ဖက်လုံး၏လူမှုရေး၊ယဉ်ကျေးမှုကိုနားလည်သဘောပေါက်သောလူငယ်များကအထူးတန်ဖိုးရှိပါသည်။နိုင်ငံခြားပညာတော်သင်အနေဖြင့်တန်ဖိုးမဖြတ်နိုင်တဲ့အတွေ့အကြုံမှုများရရှိနိုင်ပြီးထိုအတွေ့အကြုံများကိုလက်တွေ့အသုံးချ၍ဂျပန်မြန်မာချစ်ကြည်ပူးပေါင်းရေးသိစ္စရပ်များတွင်တာဝန်ယူဆောင်ရွက်နိုင်တဲ့သူများဖြစ်လာနိုင်စေဖို့မျှော်လင့်နေပါသည်။